ព្រះសីហនុ: នាយករដ្ឋមន្ត្រីកម្ពុជាសម្តេចតេជោ ហ៊ុន សែន អនុញ្ញាតឲ្យសហព័ន្ធកីឡាទូកក្ដោងកម្ពុជា និងសិង្ហបុរី សហការគ្នារៀបចំព្រឹត្តិការណ៍ជើងឯកអាស៊ីអាគ្នេយ៍ ចុងឆ្នាំ២០២១នេះ។

សហព័ន្ធកីឡាទូកក្ដោងកម្ពុជា និងសហព័ន្ធកីឡាទូកក្ដោងសិង្ហបុរី គ្រោងនឹងរៀបចំការប្រកួតកីឡាទូកក្ដោងអន្ដរជាតិនេះរវាងពីថ្ងៃទី១២ ដល់ថ្ងៃទី១៧ ខែធ្នូ ឆ្នាំ២០២១ នឹងមានការចូលរួមដោយប្រទេសប្រមាណពី៧ ទៅ៨ប្រទេស។ គម្រោងរៀបចំនេះត្រូវបានសម្តេចតេជោនាយករដ្ឋមន្ត្រី បានសម្រេចយល់ព្រមទាំងស្រុង។

ការប្រកួតនាកីឡាទូកក្តោងនាពេលខាងមុខនេះ បានឲ្យដឹងថាគឺជាការជម្រុញលើកកម្ពស់កីឡាកម្រិតខ្ពស់របស់កីឡាទូកក្ដោងកម្ពុជានៅមុនការត្រៀមកីឡាស៊ីហ្គេមឆ្នាំ២០២៣ ដែលកម្ពុជានឹងធ្វើជាម្ចាស់ផ្ទះថែមទៀត។

លោករដ្ឋមន្ត្រី ថោង ខុន នៃក្រសួងទេសចរណ៍ បានថ្លែងថាប្រសិនពុំមិនមានការប្រកួតអន្ដរជាតិនោះទេ វាអាចជាផលលំបាកសម្រាប់ការត្រៀមខ្លួនរបស់កម្ពុជា ក៏ដូចជាការវាស់ស្ទង់សមត្ថភាព សម្រាប់ការ ត្រៀមចូលរួមការប្រកួតកីឡាស៊ីហ្គេម៕